Песната е од албумот издаден 1976 г. за “Југотон“:

  Ти ле ми Надо, Натке направи,
  по болниците, Натке, да одам,
  лути церове, Натке, да пијам,
  да пијам, да се, Натке, отровам.

  Помнеш ли Надо, Натке, знаеш ли,
  кога се двата, Натке, к`лневме,
  кој прв ќе ми се, Натке, ожене,
  ќораво либе, Натке, да оде.

  На сламка да се Надо, Натке, потпира,
  низ прстен да се, Натке, сповира,
  бели ѕидове, Натке, да пипа,
  и за мен` Надо, Натке, да пита.

Песната е снимена за продукцијата на поранешен “Југотон“ од Загреб, кој има издадено и сингл плоча, првенец на Ванчо Арсов, познат како кочанскиот Бадев

  Насловна песна од сингл плочата на Ванчо Арсов.

  Придружба: вокален ансамбл “Македонски филиграни“ и ансамблот на Мате Грујовски  

Песната е инспирирана од вистински настан и е поврзана со Димче Стоилков од Кочани, роден во 1899, а починал во 1961 година. Татко му Иван (1858-1934) и неговата мајка Марија (1867-1924) Стоилкови имале 11 деца.